Aala Hazrat Imam Ahmed Raza Khan Qadri Radhi Allahu Ta’ala Anhu

Aala Hazrat Imam Ahmed Raza Khan Qadri Radhi Allahu Ta’ala Anhu

Sarkar Aala Hazrat

14vi Sadi me Jab Hind me Kuch gustakh firqon

ne Rasool-e-Azam ,Tamam Nabiyon ke Sardar

Muhammadur Rasool allah(Sallalaho

Alaihiwasallam) Ki Shaan me Gustakhiyan karna

Shuru kiya,

Aur Logon ko Ye Napak Zehen Dena Shuru Kiya

ke Nabi ka khayal Namaz me aaye To Vo Namaz

me Zina ke Khayal se bhi Badtar hai

(Ma�azallah).

Aur Un Gustakhon ne yahan tak kaha ke Nabi

Marke Mitti me Mil gaye, Aur Nabi ka ILM-e-

Ghaib to Aisa hai Jaise Pagalon, Janwaro Ka

hai..(Ma�az Allah)

Logon ko Ye zehen diya ke sirf Allah Ta�ala ko

mano Rasooallah(Sallalaho Alaihiwasallam) ki

Tazeem ki koi Zarurat nahi!�(Ma�azallah)

Jabke Sach to ye hai ke Sahaba Ikram ka to Ye

Amal tha Jab vo Namaz me Hote Aur Huzoor

(alaihisalaam) Unhe Bulate to Namaz Chor Kar

Huzoor Ki Bargah me Hazir Hote, Aur Phir Lautne

Par vahin se Rakat Padte jahan se vo gaye the,

Aur Unhe Aisa karne Ka Hukum Khud Allah

Ta�ala ne Quran Sharif me Diya hai�

Jabke Hadees �e-Pak me Hai Huzoor(sallalaho

Alaihiwasallam) Ne Farmaya: �Allah Ta�ala Ne

Mitti Par ye Haram kar diya hai ke vo Nabiyon

ke Jism ko khaye, Allah ke Nabi Zinda Hai Aur

Rizq Diye Jate Hain.�

Aur Aisi Beshumar Gustakhiyan Jo Koi khula

Kafir bhi na kare, Vo Bazahir Kalma Padne Wale

Wahabi/Deobandi ne kiya.

Aisa Badtar Mahol Paida hogaya tha, koi

(Ma�azallah) Allah Ta�ala ko Jhoot bolne par

qadir keh kar Allah Subhanwata�ala ki Shaan

me gustakhi kar raha tha�

Koi shia Bankar Sahaba Ikraam Ki shaan me

gustakhi kar raha tha, Koi Wahabi/Deobandi

kehlakar Ahle Bait Ki shaan me gustakhi Kar

raha tha, Koi Nabiyon aur waliyon ke Ikthiyarat

ka Inkaar kar raha tha,

Jab Aise Jhoote Kalme Padne Wale, Jhooti

Namaz Padne Wale�Logon ka Imaan Barbaad

Kar rahe the Aur Allah ke mehboob bandon Ki

Azmat Aur Muhabbat Logon ke dilon se Nikal

rahe the�

To Allah Tabarak wa Ta�ala ne Phir Hum Par

Karam Farmaya Aur Apni Nabi Ki Azmat ka

Parcham Buland Farmane k Liye, Bareilly Shareef

ki Sar-Zameen Se IMAM AHMED RAZA Ko Paida

Farmaya�(Subhan Allah)

Vo IMAM AHMED RAZA Jisne Tamam Gustakhon

Ko ,Tamam Munkiron ko Quran Sharif Aur

Hadees-e-Pak Se Unke Jhoote Aqeede ka Muh

tod Javaab Diya, Aur Rasoolallah (Sallalaho

Alaihi Wasallam) ki shaan me Gustakhi ki bina

par Unka Kufr Saabit kiya.Aur Sunniyat ki

Haqqaniyat ka parcham lehrayaa. Aur

Rasoolallah (Sallalaho Alaihi Wasallam) ki

Azmate Bayan Karte Hue Ilm ka Darya Baha

Diya�..

Aur Apne Aqa ki Bargah me Yu Arz Kiya :

�Tu Zinda Hai Valla Tu Zinda Hai Valla,

�Tu Zinda Hai Valla Tu Zinda Hai Valla,

Meri Chasme Alam Se chup Jaane Wale�

Aur Farmaya:

Ya RasoolAllah(Sallalaho Alaihiwasallam)

�Aur Koi Gaib kya,Tumse Niha ho Bhala

Jab na khuda hi chupa..Tum Pe Karodon

Durood�

Aur Hum Jaise Karodon Musalamano Ke Imaan o

Aqeede Ki Hifazat ki Aur Unki Is Khidmat aur

Baatil ko Benaqaab Karne par, Arab-o-Ajam

Yani Saari duniya ke Ulma-e-Karam Ne aapko

14vi Sadi Ka Mujaddid Karar Diya Aur Aapko

�ALAHAZRAT� Ke Mubarak Alqab se Nawaza.

Ye us waqt ke Arab ke Ulma-e-Kiram the Jab

1200 saal se Harmain Sharifain me Sunniyon ki

Hukumat thi, Aj kal ke Najdi/wahabi ki zalim

hukumat jo zabardasti kabza karliya hai usko

sirf 200 saal hue hain. Jab In gustakho ki Asliyat

samne Agayee to ab ye Gustaakh bhi Apne

Aapko sunni kehne lage the , Ahle Sunnat Wal

Jamaat kehne lage the�.

Zaroorat thi ke Sachhe Sunni Aur Jhoote Naam

ke Sunni Ko Pehchanne ke liye koi tarika

mukarar kiya jaye: Us waqt ke Ulama Farmate

the Ke �Hind Se Jab koi Musalmaan Ata Hai to

hum Usse Ahmed Raza Ke Bare Me Poochte hai,

Agar Vo Unki Taarif Karta tha to Hum Samajh

Jate the ke Ye Sunni Imaan Wala hai, Aur Agar

Hind se Aanewala Ahmed Raza Ki Burai karta

tha to hum samajh lete the ke ye Ahle-Biddat

hai, Gustakh hai�

Us waqt se Sari Duniya Me Imaan Wale Sunniyon

ki Pehchaan IMAM AHMED RAZA ban gaye.

Isliye Ulma-e-Arab-o-Ajam ne Imaan wale aur

gustakhon ki Pehchan ke Liye MASLAK-E-

ALAHAZRAT kehna shuru kiya. Aur Allah ta�ala

aur Uske Pyare Habeeb

(sallalahoalaihiwasallam) ki Raza bhi Isi me thi

warna Aaj duniya ke Har kone me Maslak-e-

Alahazrat ki gunj na hoti�Ye Sabse bada saboot

hai Ke Allah ta�ala jise chahta hai Izzat

bakshta hai.

Isliye shaayar ne kya khub kaha

Sab Unse Jalne walon ke gul hogaye charaag

Ahmed Raza ki shamma faroza hai aaj bhi.

Aur Ab Is Daur Me �MASLAK-E-ALAHAZRAT �

hi Deen-e-Haq ki Pehchaan Hai.

MASLAK-E-ALAHAZRAT hi vo Maslak hai Jo Is

Hadees-e-pak Par Sahi mana me Amal Kar raha

hai

�Jo Mere Aur Mere Sahaba Ke Tarike Par ho�

(Hadees-e-Pak)

Aaj agar koi Banaam Sunni Is �Maslak-e-

Alahazrat� ke Naare Par Aitraz karta hai to Use

Sochna Chahiye Ke Allah Ta�ala aur Uske Pyare

Habeeb ne Har Daur me Kisi na Kisi Ko Apne

Deen Ki Pehchaan Ke liye Chuna, Is Daur me

ALAHAZRAT Ko Is Khidmat se Nawaza, Lihaza

Isme kisi ko koi Hasad Ya Jalan Nahi Rakhna

Chahiye. Balke Hume ALAHAZRAT ka Shukr

Manna Chahiye ke Agar Vo Hamare Imaan Ki

Hifazat Na karte aur In Wahabi, Deobandi, Ahle

Hadas! ke Kalma Aur Namaz ke Piche Chupe hue

Kufr Ko Benaqab na karte, To Kya Hota?

Yaad Rakho Jisne Allah Ta�la ke Bando Ka

Shukr Na Mana, Goya Usne AllahTa�ala ka

Shukr Na mana..!

MASLAKE ALAHAZRAT QURAN SHAREEF AUR

AHADEES SHARIF KI ROSHNI ME:

Alhumdulillah Sunniyat yani Maslak-e-Alahazrat

hi wo mazhab e haq hai jo Apne har ek Aqaid

aur Amal ko Quran O Hadees Sharif ki Roshni me

Sabit Karta hua Nazar Aata hai. Is Section me

Mukhtasar se kuch Daleelein Pesh ki jayengi Jo

Agar ek Aam Shaks Samajh kar Yaad karle to

Bohot Se Fitno se Insha allah bach sakta hai.Aur

Batil ka muh tod Javab de sakta hai.

Aqeeda 1.Rasoolallah(sallalaho alaihiwasallam)

Noor hai, Noorul bashar hai.

Quran Sharif: Beshak tumahare paas Allah ki

taraf se ek Noor aaya Aur roshan kitab. (Surah

Maida verse 15)

Is Ayat me �Noor� se muraad Huzoor

(Sallalahoalaihiwasallam) ki Zaat-e-paak hai.

[Tafseer ibn Abbas Pg.72 – Published Egypt]

Hadees sharif :

Hazrate Jabir RadiAllaho ta�ala ne Huzoor

(alaihisallaam) se jab poocha ke Allah Ta�ala

ne sabse pehle kis cheez ko paida farmaya Ispar

Rasoolallah (Sallalaho alaihiwasallam) ne Irshad

farmaya �Ae jabir! Beshak Allah ta�ala ne

Sabse pehle Apne noor se Tere nabi ke Noor ko

paida farmaya�

[Mawahibul Laduniyah Shareef Pg.9 Vol.1 –

Zurqaani Shareef Pg.46 Vol.1 � Seerat-e-Halbia

Pg.37 Vol.1 – Sharah Dalailul Kheyraat Pg.210 �

Hujatul�laahi alal Alameen Pg.28 – Anwaarul

Muhammadiya Pg.9 -� Fatawa Hadeethia�

Pg.51]

Hazrat Ali (RadiAllaho ta�ala anho) farmate

hain �jab Huzoor (sallalahoalaihiwasallam)

kuch Irshaad farmate the to unke mubarak

daanton ke bich me se Noor ki kirne Phut ti

dikhai deti thi� [Mawahibul Laduniyah Pg. 270

Vol.1 – Anwaarul Muhammadiya Pg.132 –

Zurqaani Shareef]

Ummul mumineen Hazrate Aisha Siddiqa

RadiAllahota�ala anha farmati hain �Main

Andheri raaton me bhi sui me dhaage puro leti

thi, Huzoor alaihisalaam ke Noor ki roshni se�

[Shara Shifa Hashia Naseemur Riyaz Pg.328

Vol.1]

Isliye Sayyedi Sarkar Alahazrat Farmate hain:

Teri Nasle Paak me hai Bacha Bacha Noor ka..

Tu hai Aine Noor Tera sab gharana Noor ka…!

Aqeeda 2. Rasoolallah (sallalahoalaihiwasallam)

Afzalul bashar hai, bemisl-o-bemisal hain.

Hadees Sharif:

Hazrat Abdullah ibn Umar(RadiAllaho ta�ala

anho) farmate hain ke Rasoolallah Sallalaho

alaihiwasallam ne farmaya: �Main tum me se

kisi ki tarah nahi hun.�

[Jaam�e Tirmizi Pg.97 Vol.1 – Sahih Bukhari

Pg.246 Vol.1]

Hazrate Ali (RadiAllaho ta�ala anho ) farmate

hain �Maine Huzoor (alaihisallaam) ke Jaisa

kisi ko na paaya. Na unke pehle na unke baad�

[Taareekh-e-Kabeer Pg.8 Vol.1 – Khasaais ul

Kubra Pg.181 Vol.1 – Tirmizi Shareef Pg.204

Vol.2]

Isi liye Sayyedi Sarkar Alahazrat farmate hai:

Yahi bole Sidra Waale chamane jahan ke thaale

Sabhi maine chaan daale tere paye ka na paaya

Tuje Yak na Yak banaya Tuje Yak na yak banaya

Tujhe Humd he khuda ya tujhe humd he khuda

ya..

Aqeeda 3.Wasila Jaiz hai�Wasile ka munkir

Quran Sharif ka munkir hai Aur Quran ka munkir

Beshak Khula Kafir hai!

Quran sharif :

�Ae Imaan walo Allah se Daro aur uski taraf

Wasila dhundo [Surah Maa�idah Verse.35]�

�Aur Agar Jab vo Apni Jano par zulm kare, To

Ae Mehboob tumhare Huzoor hazir hon aur phir

Allah se maafi chahein Aur Rasool unki

shafa�at farmae to Zarur Allah ko bohot Tauba

kabul karne wala Meherbaan Paaein� [Surah

Nisa Verse.64]

Isiliye shahzada-e-Alahazrat Huzoor Mufti-e-

Azam-e-Hind(RadiAllaho ta�ala anho) farmate

hain:

Wasle Maula chahte ho, to wasila dhundlo..

Bewasila Najdiyon hargiz khuda milta nahi�!

Aqeeda 4. Hamare Nabi Hayatun nabi hai..Zinda

hai. Yahan tak ke Allah ta�ala ke tamam nek

bande Zinda hain.

Quran Sharif:

�Aur jo khuda ki raah me Maare jaye unhe

Murda na kaho balke wo zinda hain, han tumhe

khabar nahi�[Surah Baqara Verse.154]

Hadees sharif:

�Allah Ta�ala ne mitti par Haraam kar diya

hai ke wo Nabiyon ke Jismon ko khaye, Allah ke

Saare Nabi Zinda hai aur Rizq diye jate hain�

[Ibn Majah Pg.119 – Jaame Sagheer Pg.54 Vol.1

– Mishkaat Shareef Pg.112 Vol.2]

Huzoor (alaihisalaam) ne farmaya: �Shabe

meraj ki raat maine Moosa (alaihissalaam) ko

unki Qabr me Lal rang ke Pathar ke paas khade

hokar Namaz Padte Dekha�

Tu Zinda hai vallah, Tu zinda hai Vallah� Meri

Chasme Alam se chup Jane Wale�!(Sarkar

Alahazrat)

Isi tarah se Tamam Sunni Aqaid-e-Ahle Sunnat

Quran o Hadees Sharif Se Saaf Zahir hai�

Tamaam Sunni Aqaid Aur Amaal ki Quran Sharif

o Hadees sharif se Tafseeli daleeel ke liye Aap

Hamare English ya Urdu Books Sections se

Books Download kar sakte hain. Ya Phir Ulma-e-

haq ki Taqreerein Bayan section se bhi download

kar sakte hain.

Alhumdulillah, Jab Ye Baat Allah ke Fazl se

Saari Duniya me Sabit Hogayee thi ke Maslak-e-

Alahazrat hi Vo Jannati Firqa hai Jo Huzoor

(alaihissalaam) ke Sahaba Ikram Ke Naksh-e-

Qadam Par hai.

To Ab Logon ne Is Maslak Par Hamla Karna

Shuru kiya�Naam lene lage Maslak-e-Alahazrat

ka magar Logon ko Iski Galat Tarjumani karne

lage.. Naam lene lage Maslak-e-Alahazrat

ka�Magar Sulaahkulliyat ki bimari failate hue

kehne lage �Kisi ko bura mat kaho�, �Kisi ko

Kafir mat kaho!�

Jabke Alahazrat Aur ulma-e-Arab-o-ajam ne

unki kitab �Hussamul Harmain� me Likha hai:

�Man Shakka Fi Kufrihi wa Azaabihi Fakat

Kafar� (Yani Jo shaks In Gustakh wahabi/

deobandi ke Kufr Aur Azaab me shak kare Vo

Khud kafir ho Jayega�)

Aur Sarkar Alahazrat Apne EK sher me Yun

Farmaya:

Dushman-e-Ahmed Pe Shiddat Kijiye,

Mulhidon ki Kya Muravvat Kijiye,

Shirk Thehre Jisme Tazeem-e-Habeeb,

Us bure Mazhab pe Laanat Kijiye..!

Lekin ajkal Apne Mafaad k liye Inhi Buzurgon ka

Naam Lekar, Maslak-e-Alahazrat ke Nare

Lagakar , Kuch Gumraah Tanzeeme Jaise

DawateIslami Aur Sunni DawateIslami Inhi

Buzurgon Ki Aur Maslake Alahazrat ki

Mukhalifat kar rahi hai�!

Huzoor Mufti-e-Azam(RadiAllaho ta�ala anho)

ka Fatwa hai Aur Alahazrat ke mubarak Khulfa

ne Iski Tasdeek ki hai ke Shariat ki Roshni me

Loudspeaker Par namaz Fasid hojati Hai.

Magar Ye Dono gumraah Tanzeeme yani

DawateIslami aur SunniDawateIslami Khud ki bhi

Aur Lakhon Musalmano ki Namaz Loudspeaker

Par Barbaad kar rahe hai..!

Tamam Ulma-e-haq ka Ispar Ijma Ho Chuka hai

ke TV aur Video Tasveer Ke hukm me hai Aur

Haraam hai. Aur Deen ki Tableeg Haraam Kaam

ki mohtaj nahi. Magar Aaj bhi Ulma-e-Haq ke

Mana Karne Par bhi DawateIslami Aur

SunniDawateIslami Bade Shaukh se Video

Shooting Nikalte bhi hai, Aur Nikalwate Bhi

hai..Aur DawateIslami ne to ye Zulm Kiya ke Is

Haraam kaam k liye �Madni Channel� shuru

Kar diya(Ma�azallah)

Ek Haaram kam ko Ma�azallah “Madni” Naam

diya, Musalmano Jaago..! Agar Tum Sach me

Madina Shareef Ki Tazeem Karne Wale Ho to

Apne Dil pe Hath Rakh kar kaho kya Ye Madina

Sharif Ki Behurmati aur Be Adbi nahi???

Dusra ye ke Shahzada-e-Alahazrat Huzoor Mufti-

e-Azam-e-hind(RadiAllaho ta�ala anho) se jab

poocha gaya, �Huzoor kya Apke mureedon ke

liye ek khas alag kism ki topi bana sakte hain?

To Huzoor Mufti-e-Azam(RadiAllaho Ta’ala

anho) ne Farmaya: Main Musalmano ko Batna

Nahi Chahta�

In Buzurgon ne to hame us jaiz kam se bhi

parhez karna sikhaya Jisse Badgumani paida ho.

Magar Aaj jhoote dilse Maslake Alahazrat ka

nara lagane wala “ILyas Attar” Khule Aam TV

Video nikalkar Haraam Kaam kar raha hai aur

logon ko bhi haram karne ki dawat de raha hai.

Sunni DawateIslami ka Sarparast Zaheeruddin aaj

bhi Ulma Council me Sarkar ke Gustakh Wahabi/

Deobandiyon ke Sath baithkar Khaata pita hai…

(Ma�azallah) Aur In khabison ki sohbat ka ye

Asar Hua ke SunniDawateIslami ke Ijtema me Is

Zaheeruddin ne Yahan tak keh diya ke MASLAK-

E-ALAHAZRAT ka naara lagane ki koi zaroorat

nahi, Aur Maslak Kabr me thodi poocha jayega?

(Ma�az allah)

Sunniyon Dekho Ye dono MASLAK-E-ALAHAZRAT

ke kitne bade dushman hai, Inhe Pehchaano Inka

Boycott karo..Ye Sunni nahi hai, Ye Bareilvi Nahi

hai, Yeh gumraah hai�Aur Gumraahgar hai.!

Saboot ke Liye Ulma-e-Haq ka Bayaan sune

>>>yahan click karein

Huzoor Tajushshariah ke bayan

Huzoor sirajemillat ke bayan

Likhne Ko to Bohot Kuch hai Aur Aap Is Website

me Bohot Kuch Malumat kar sakte hai.

Bas ikhtetam Ispe Karna chahunga ke

Musalmano �MASLAK-E-ALAHAZRAT � hi

Sahaba Ikraam ka mazhab hai, Yehi Haq hai,

Yehi Deen e Haq hai, Jo Allah Ta’ala ko

Mehboob hai�…

Magar Har Shaks Jo Maslak-e-Alahazrat ka

Naara Lagakar tumhare Samne aaye Use yuhi Na

Maan lene Balke..tehqeeq karna…Azmakar

dekhna… Kya Waqai Ye Sarkar Alahazrat ki

Taleemat Par Amal karne Wala hai ya Apne

Mafaad ke Liye Unka Naam Leraha hai�

Haan Maslak-e-Alahazrat ki Pehchan ke liye In

chizon ko Zarur Yaad Rakha Jaye:

Pehchaan no 1.

Agar Maslake Alahazrat ka Manne Wala hai to

Badmazhab yani Wahabi / Deobandi Aur dusre

Gustakhon ko Kafir Jaane Aur Unke Radd Ko

Farz-e-Azam jaane..! Yahan tak Sulaahkulliyon

ka Radd Kare.

Pehchaan no 2.

Agar Maslake Alahazrat Par hai To shariat Par

Istiqamat Dikhaye�Yaani Rasoolallah

(sallalahoalaihiwasallam) ne Jin chizon ko

Haram Farmaya Unhe Haram Jane Aur Ulma-e-

Haq Ke Faisle Ko Mane.

>>> Mike Ya LoudSpeaker ke Piche Namaz Ko

Fasid Jane� LoudSpeaker ke Piche Namaz na

pade.

>>>>TV aur Video ko Zarur Zarur Haraam Jaane.

Is par Tamam akabir Muftiyan-e-Kram ka Ijma

ho chuka ke Deen ki Tableeg ke liye bhi Jaiz

nahi kyuke Aur Bohot se jaiz Tarike maujud hai.

Allah Taala Hum Sab Ko Sahi Mane Me Maslak-

e-Haqq Maslak-e-Alahazrat Ki Roshni me Amal

karne ki taufiq de.

Sunniyon ka Markaz Bareilly shareef hai Aur Is

Daur me Maslak-e-Alahazrat Jo Sarkar

Alahazrat ki Kitabon se Sabit hota hai uski Sahi

Tarjumani Huzoor Tajush shariah (Hazrat Allama

Mufti Akhtar Raza khan qadri) kar rahe hai. Aur

unki Tasdeek karne wale Tamaam Ulma-e-haq

hai.

Allah Ta�ala Apne Habeeb ke Sadke tufail Hum

tamam sunniyon Par Ulma-e-haq ka saya

barkarar rakhe. Aur Gustakh kafiron wahabi,

Deobandi, Ahle hadas, Qadiyani aur tamam

Gustakhon ke Makr-o-Fareb se bachaaye. Yahan

tak Jhooti Gumraah Tanzeemein DawateIslami

aur SunnidawateIslami Se bhi Bachaye Aur in

sabse Dur Rehni Ki Taufiq de…!!!

Aameen Yaa Rabbal Aalameen Bi Jaa’hin Nabiyil Kareemﷺ Wa Taufail’e-Ghaus’e-Aazam Dastageer Radhi Allahu Ta’ala Anhu…!!!